ឯកឧត្តម ប៉ុល រតនាចុះសាកសួរសុខទុក្ខគ្រួសារប្រជាពលរដ្ឋ មានផ្ទះធ្លុះធ្លាយ
18-May-2016 | ដោយ មែន កំសត់
ព្រៃវែង៖ នៅថ្ងៃទី១៧ខែឧសភាឆ្នាំ២០១៦ នេះឯកឧត្តម ប៉ុល រតនា ប្រធានក្រុមការងារឃុំព្រែកចង្ក្រាន លោក ម៉ននី បណ្ឌិត អភិបាលស្រុក ស៊ីធរកណ្ដាល បានចូលរួមសាកសួរសុខទុក្ខគ្រួសារ លោក ជឹម ខុន ដែលគ្រួសារគាត់មានស្ថានភាពពិបាករស់នៅ ដោយសារជញ្ជាំង និង ដំបូលផ្ទះរបស់គាត់ ធ្លុះធ្លាយ ស្ទើរសព្វកន្លែង និង មានកូនបោះបង់ការសិក្សា ដល់ទៅ ០២នាក់។
នាឱកាសនោះឯកឧត្តម ប៉ុល រតនាបានពន្យល់ណែនាំ និងជម្រុញឱ្យកូនទាំងពីបានចូលរៀនសូត្រឡើងវិញ ជាលទ្ធផល ក្មេងទាំង២នាក់ និងទាំងអាណាព្យាបាល បានប្តេជ្ញាចិត្ត នឹងបញ្ជូនកូនឱ្យទៅរៀនវិញ ដោយភាពយកចិត្តទុកដាក់ ឯកឧត្តម ប្រធានក្រុមការងារ បានផ្តល់ជាថវិកា ចំនួន ៤០០,០០០៛ សម្រាប់ធ្វើការជួសជុលផ្ទះសំបែង អោយមានភាពប្រសើរជាងមុន និង គាំទ្រថវិកាមួយចំនួន សម្រាប់កូនទាំងពីរចូលរៀនវិញផងដែរ។
ឯកឧត្តម ប៉ុល រតនា ប្រធានក្រុមការងារឃុំព្រែកចង្ក្រាន បានបន្តចូលរួមផ្តល់នូវ មូលនិធិមនុស្សធម៌ ស ខេង ចំនួន ២០០,០០០៛ និងបន្ថែមថវិកាផ្ទាល់ខ្លួនឯឧ ចំនួន១២០០០០៛ទៀត ក្នុងន័យរួមចំណែករំលែកទុក្ខចំពោះគ្រួសារសព ដែលស្ថិតនៅភូមិព្រែកចង្ក្រានក្រោម ឃុំព្រែកចង្ក្រាន ស្រុកស៊ីធរកណ្តាល ។
បន្ទាប់មក ឯកឧត្តមបានជួប សួរសុខទុក្ខ គ្រួសារដែលរងគ្រោះដោយសារភ្លើងឆេះផ្ទះ និង បងស្រីម្នាក់ដែលផ្ទុកមេរោគអេដស៏ ហើយរស់នៅតែម្នាក់ឯង ដែលកន្លងទៅថ្មីៗ ឯកឧត្តម រួមជាមួយក្រុមការងារ បានសង់ផ្ទះចំនួន០២ខ្នងជូនពួកគាត់ ៕
ចំនួនអ្នកទស្សនា
- ថ្ងៃនេះ9741
- ម្សិលមិញ10901
- សប្តាហ៍នេះ25121
- ខែនេះ47001
- ឆ្នាំនេះ47001
- សរុប20489457